Zëdhënësja e Shtëpisë së Bardhë, Katie Zacharia, ka pranuar të enjten se nuk e ka kaluar provimin e avokatisë, ndonëse më parë e ka cilësuar veten si avokate dhe presidenti amerikan, Donald Trump, i është referuar asaj me këtë titull.
Zacharia e bëri këtë deklaratë në një intervistë me komentatorin konservator Jack Posobiec, pas një raportimi të gazetës The Wall Street Journal, sipas të cilit ajo kishte dështuar në provimin e avokatisë në Kaliforni në vitin 2011 dhe nuk e kishte kaluar atë as në ndonjë shtet tjetër amerikan ku kishte jetuar.
Ajo është diplomuar në Fakultetin Juridik të Universitetit Pepperdine.
Gjatë intervistës, Zacharia tha se e kishte dhënë provimin në Kaliforni, por nuk kishte arritur ta kalonte. Ajo shpjegoi se në atë periudhë ishte e shpërqendruar nga planet për t’u martuar dhe për t’u zhvendosur në Kinë, ku bashkëshorti i saj do të punonte.
Zacharia shtoi se për punën që do të kryente në Kinë nuk i nevojitej kalimi i provimit të avokatisë.
Sinjali – aty ku e vërteta flet para lajmit!
The post Zëdhënësja e Shtëpisë së Bardhë pranon se nuk e ka kaluar provimin e avokatisë appeared first on Sinjali.
Burimi: Sinjali
