Valdrin Geci ka reaguar pas raportimeve për arrestimin e Gani Gecit, duke mohuar se ai është arrestuar nga Policia e Kosovës.
Në një deklaratë të publikuar nga Rilind Geci, thuhet se Valdrin Geci ka qenë me babanë dhe disa shokë duke pirë kafe në “Che Bar”, kur Gani Geci është njoftuar përmes telefonit nga policia.
Sipas deklaratës, Gani Geci më pas ka shkuar vullnetarisht në Policinë e Kosovës për të dhënë deklaratë.
“Pasi të intervistohet, Gani Geci do t’u përgjigjet të gjitha mediave për shpifjet e tyre se kinse është arrestuar”, thuhet në reagim.
Familja Geci, përmes këtij reagimi, kundërshton raportimet se Gani Geci është arrestuar, ndërsa pritet që ai të deklarohet para mediave pas intervistimit në polici.
Sinjali – aty ku e vërteta flet para lajmit!
The post Djali i Gani Gecit mohon arrestimin e babait: Shkoi vullnetarisht në Polici pas telefonatës appeared first on Sinjali.
Burimi: Sinjali
